قصيده نداء لدموع

[size=16]ارجعي يا دموع تراني شفت العـذاب الـوان
في غيبتك وقفت كلمـات الحـب فـي فمّّـي

كرهت المنتدى بغيابك كرهت الشات والجدران
ليامن شفت لك صورة تنسينـي حنـان أمـي

أبرحل وأترك المنتدى وأجدد حاضـر العنـوان
ابجمع من شتاتي قلب واسافر فـي بحـر غمـي
.
امانه لو جعلتيني مسافـر فـي سمـا النسيـان
أمانه جاوبـي صوتـي لجـل مايحتـرق دمـي

ابي لو ساعه من وقتك أنا ماقلت أبيك ازمـان
أناديلك .. واصوّت لك .. ولاحتى تجين يمـي

أبيك تعيشي قصة ! بطل خاين وأنـا الخـوان
أبي كل البشر تحكـي وتتسابـق علـى ذمـي
.
على هونك ظلام الليل أشوف الليل ماقد حان
علامك تلوين ذراعي !! تبعثري فينـي وتلمـي

حرام تشوفي دمعاتي وتنسي أني بقايـا أنسـان
أحاول اجمع شتاتي وعجزت اليـوم فـي لمـي

دموع لو تبيني ابعد واعانـق دفتـر الكتمـان
تعالي احضري عزا قلبي وعانقي الشوق وضمي

تصوري مابقا فيني سوى باقـي رمـد بركـان
ودفتر من قصيد الأمس على جال البحر مرمي[/size]